౧. అజానంతో యాన్తి క్షయ మవశ మన్యోన్య కలహై రమీ మాయా గ్రంథౌ తవ పరి లుఠoత సమయినః|
జగన్మాత ర్జన్మ జ్వర భయ తమః కౌముది రియం నమస్తే కుర్వాణ శ్శరణ ముపయామో భగవతీం||
౨. వచస్తర్కా గమ్య స్వరస పరమానంద విభవ ప్రబోధాకారాయ ద్యుతి దళిత నీలోత్పల రుచే |
శివాద్యారాధ్యాయ స్తనభర వినమ్రాయ మహతే నమో యస్మై కస్మై చన భవతు ముగ్ధాయ మహసే||
౩. లుఠద్గున్జాహార స్తన భరణ మన్మధ్య లతికా ముదంచద్ఘరామ్భః కణ గుణిత వక్త్రామ్బుజ రుచిమ్|
శివం పార్థ త్రాణ ప్రవణ మృగయాకార కరుణం శివా మన్వగ్యాన్తీం శరణ మహ మన్వ్యైమి శబరీం||
౪. మిథః కేశాకేశి ప్రథన నిధనా స్తర్క ఘటనా బహుశ్రధ్దా భక్తి ప్రణత విషయాశ్చాపి విధయః |
ప్రసీద ప్రత్యక్షీ భవ గిరిసుతే దేహి చరణౌ నిరాలంబే చేతః పరిలుఠతి పారిప్లవమిదం||
౫. శునాంవా వహ్నేర్వా ఖగ పరిషదం వా యదశనం తయా కేన క్వేతి క్వచి దపి న కశ్చి త్కలయతి|
అముష్మి న్విశ్వాసం విసిహి నిజమహ్నాయ వపుషి ప్రపద్యేధా శ్చేతస్సకలజననీ మేవ శరణం ||
౬. అనాద్యంతా భేద ప్రణయ రచితాపి ప్రణయినీ శివస్యాజర్యత్వం పరిణయ విధౌ దేవి గృహిణీ|
సవిత్రీ భూతానా మపి యదుద భూశ్శైల తనయా తదేత త్సంసార ప్రణయన మహా నాటక ముఖం||
౭. బ్రువంత్యేతే తత్త్వం భగవతి సదన్యే విదుర సత్పరే మాతః ప్రాహుస్సద సదపి చాన్యేప్య సదసత్|
చిరేణై తత్సర్వం సమభి దధతే దేవి సుధియ స్తదేత త్త్వన్మాయా విలసిత మశేషం నను శివే||
౮. తటిత్కోటి జ్యోతిర్ధ్యుతి దళిత షడ్గ్రన్థి ఘటనం ప్రవిష్టం స్వాథారే పునరపి సుధా వృష్టి వపుషా |
కిమప్యష్టా వింశత్కిరణ శకలీ భూత మనిశం భజే ధామ శ్యామం కుచభర నతం బర్బర కచం||
౯. చతుష్పత్రాంత ష్షడ్దళ పుట భగాంత స్త్రి వలయాం స్ఫుదద్విద్యుద్వహ్ని ద్యుమణి నియుతాభ ద్యుతియుతే|
షడశ్రం భిత్వాదౌ దశ దళ మథ ద్వాదశ దళం కళాశ్రంచ ద్వ్యశ్రం గతవతి నమస్తే గిరిసుతే||
౧౦.కులం కేచిత్ప్రాహు ర్వపుర కుల మన్యే తవ బుధాః పరే తత్సం భేదం సమభిదధతే కౌళ మపరే|
చతుర్ణా మేతేషా ముపరి కిమపి ప్రాహు రపరే మహామాయే తత్త్వం తవ విధ మమీ నిశ్చను మహే||
౧౧.ప్రకాశానందాభ్యా మవిదితచరీం మధ్యపదవీం ప్రవిశ్యై తద్ద్వంద్వం రవి శశి సమాఖ్యం కబళయన్ |
ప్రపద్యోర్ధ్వం నాదం లయ దహన భస్మీ కృత కులః ప్రసాదాత్తే జంతు శ్శివ మతుల మంబ ప్రవిశతే ||
౧౨.షడధ్వారణ్యానీం ప్రళయ శిఖి కోటి ప్రతి రుచా రుచా భస్మీ కృత్య స్వపద కమల ప్రహ్వశిరసం|
వితన్వానా శైవం కిమపి వపు రిందూపల రుచిః కుచాభ్యా మానమ్ర శ్శివ పురుష కారో విజయతే||
౧౩.మనుష్యాస్తిర్యంచో మరుత ఇతి లోకత్రయ మిదం భవాంభోదౌ మగ్నం త్రిగుణలహరీ కోటి లుఠితమ్|
కటాక్షశ్చేద్యత్ర క్వచన తవ మాతః కరుణయా శరీరీ సద్యోయం వ్రజతి పరమానంద తనుతాం||
౧౪.షడాధారా వర్తై రపరిమితమంత్రోర్మి పటలై ర్వలన్ముద్రా ఫేనై ర్బహు విధలసద్ధైవత ఝషైః |
క్రమస్రోతోభిస్త్వం వహసి పర నాదామృత నదీం భవాని ప్రత్యంచ శ్చిద చిద మృతాబ్ధి ప్రణయినీ||
౧౫.మహీపాలో వహ్ని శ్వసన వియగా త్మేన్దు రవిభి ర్వపుర్భిర్గ్రస్తాశ్చైరపి తవ కియా నంబ మహిమాం |
అమూన్యా లోక్యన్తే భగవతి న కుత్రా ప్యణుతరా మనాస్త ప్రాప్తాని త్వయి తు పరమ వ్యోమ వపుషి||
౧౬.కళాం ప్రాజ్ఞామాజ్ఞాం సమయ మనుభూతిం సమరసం గురుం పారంపర్యం వినయ ముపదేశం శివపరం|
ప్రమాణం నిర్వాణం ప్రకృతి మతిభూతం పరగుహాం విధిం విద్యామాహు స్సకల జననీమేవ మునయః||
౧౭.ప్రలీనే శబ్దౌఘే తదనువిరతే బిందు విభవే తతస్తత్త్వే చాష్ట ధ్వనిభి రనపాయి వ్యధిగతే|
గతే శాక్తే పర్వణ్యపి కలిత చిన్మాత్ర గహనాం స్వయం వ్యక్తం యోగీ రచయతి శివానంద తనుతాం||
౧౮.పరానందాకారాం నిరవధిక మైశ్వర్య వపుషం నిరాఘాత జ్ఞాన ప్రకృతి మనవచ్చిన్న కరుణాం|
సవిత్రీం భూతానాం నిరతిశయ మాయాస్పద పదం భవో వా మోక్షో వా భవతు భవతీ మేవ భజతాం||
౧౯.జగత్కాయే కృత్వా తదపి హృదయే తచ్చ వపుషే పుమాంసం బిందుస్థం తమపి కరుణాఖ్యేతి గహనే|
తదేత జ్ఞానాఖ్యే తదపి వియదానంద గహనే మహా వ్యోమాకార స్తదను భవ శీలో విజయతే||
౨౦.విదే విద్యే వేద్యే వినయ సులభే వేద గుళికే విచిత్రే విశ్వాద్యే వివిధ సమయే వీత జననే|
శివాజ్ఞే శీలస్తే శివపద వదాన్యే శివనిధే శివే మాతర్మహ్యం త్వయివితర భక్తిం నిరుపమాం ||
౨౧.విధేర్ముండం హృత్వా యదకురుత పాశం కరతలే హరిం శూలప్రోతం హి యదగ మదంసా భరణతాం|
అలం చక్రే కంఠం యదపిగరళే నాంబ గిరిశ శ్శివస్థాయా శ్శక్తేస్తదిద మఖిలం తే విలసితం||
౨౨.విరించాఖ్యా మాతా స్సృజసి హరి సంజ్ఞాత్వమసిచ త్రిలోకీం రుద్రాఖ్యా హరసి నిదధాసీశ్వర దశాం|
భవంతీం సారాఖ్యాం శివ యసి చ పాశౌఘ దళ నాత్త దేకానైకాసి త్వ మసి కృతి భేదైర్గిరి సుతే||
౨౩.మునీనాం చేతోభి: ప్రముదిత కషాయై రపి మనాగసహ్యే సంస్ప్రష్టుం చకిత చకితై రంబ సతతం|
శ్రుతీనాం మూర్ధానః ప్రకృతి కఠినాః కోమలతలే కథం వా విందంతే పద కిసలయే పర్వత సుతే||
౨౪.పితా మాతా భ్రాతా సుహృదనుచర స్సద్మ గృహిణీ వపు: పుత్రః క్షేత్రం ధనమపి యదా మాం విజహతి|
తదా మే భిందానా సపరి భవ మోహాంధ తమసం మహాజ్యోత్స్నా మాతర్భవ కరుణయా సన్నిధి కరీ||
౨౫.ప్రియంగు శ్యామాంగీ మరుణ తర వాసః కిసలయా నమున్మీలన్ముక్తా ఫల కుసుమ నైపథ్య సుభగాం|
స్తన ద్వంద్వ స్ఫార స్తబక నమితాం కల్ప లతికాం సకృధ్ధ్యాయంత స్త్వా మభి దధతి సంతో భగవతీం||
౨౬.శివ స్త్వం శక్తి స్త్వం త్వ మసి సమయ స్త్వం సమయినీ త్వ మాజ్ఞా త్వం దీక్షా త్వ మయ మణి మాది ర్గుణ గణః|
అవిద్యా త్వం విద్యా త్వ మసి నిఖిలం తత్త్వ మపరం పృథక్త్వత్తః కించి ద్భగవతి న వీక్షా మహ ఉమే||
౨౭.పురః పశ్చా దంత ర్బహి రపరిమేయం పరిమితం చిరం స్థూలం సూక్ష్మం సకల కమలం గుహ్య మగుణం|
దవీయో నేదీయ స్సదసదిద విశ్వం భగవతీం సదా పశ్యంత్యాజ్ఞాం భవసి భువన క్షోభ జననీం||
౨౮.త్వయాసౌ జానీతే రచయతి భవత్యైవ సతతం త్వమేవేఛ్ఛత్యమ్బ త్వ మసి తన వోప్యస్య విహితాః |
జగత్సామ్యం శంభో ర్వహసి పరమ వ్యోమవపుష స్తథా ప్యర్థం భూత్వా విహరసి హరస్యేతి కిమిదం||
౨౯.మయూఖాః పూష్ణీవ జ్వలన ఇవ తద్దీప్తి కణికాః పయోధౌ కల్లోల ప్రతి భయ మహిమ్నీవ పృషతాః|
ఉదేత్యో దేత్యంబ త్వయిసహ నిజై సాత్త్విక గుణైర్భజంతే తత్వౌఘాః ప్రణయ మనుకల్పం పరవశాః||
౩౦.సుతా దక్ష స్యాదౌ కిల సకల మాతస్త్వ ముదభూ స్సరోషం తం హిత్వా తదనుగిరి రాజస్య తనయా|
అనాద్యంతా శంభో రపృథగపి శక్తి ర్భగవతీ వివాహాజ్జాయాసీ త్యహహ కో వేత్తి చరితం||
౩౧.కలాస్త్వద్దీప్తీనాం రవిశశి కృశాను ప్రభృతయః పరం బ్రహ్మ క్షుద్రాస్తవ నియత మానంద కలితాః|
శివాదిక్షిత్యంతం త్రివళిత తనోర్విశ్వ ముదరే తవాస్తే భక్తస్య స్ఫురసి హృది చిత్రం భగవతి||
౩౨.శరీరమ్ క్షిత్యంభః ప్రభృతిరచితం కేవల మచిత్సుఖం దుఃఖం చాయం కలయతి పర శ్చేతన ఇతి|
స్ఫుటం జానానోపి ప్రభవతి స దేహీ రహయితుం శరీరాహంకారాత్తవ జనని బాహ్యే గిరిసుతే||
౩౩.అసంఖ్యై ప్రాచీనై ర్జనని జననైః కర్మ నిలయా త్సకృజ్జన్మన్యంతే గురువపుష మాసాద్య వపుషి|
తవాప్యాజ్ఞాం శైవీం శివాన మపి త్వాం విదితవా న్న యేయం త్వత్పూజామల వినమనే నైవ దివసాన్||
౩౪.భువి పయసి కృశానౌ మారుతే ఖే శశాంకే సవితరి యజమానే ప్యష్టధా శక్తిరేకా|
వహసి కుచభరాభ్యాం యా వినమ్రాసి విశ్వం సకలజనని సా త్వం పాహి మామిత్యవాచ్యం||
౩౫.యష్షట్పత్రం కమల ముదితం తస్య యా కర్ణికాఖ్యా యోని స్తస్యాః ప్రథితముదరే తత్తదోంకార పీఠం|
తస్యాప్యంతః కుచభరనతాం కుండలీతి ప్రసిధ్దాం శ్యామాకారాం సకలజననీం చేతసా చింతయామి||
ఇతి శ్రీ మత్కవిరాజరాజమకుటరత్న రాజినీరాజిత చరణారుణరాజీవస్య
శ్రీ రాజరాజేశ్వరీ కరుణాకటాక్షలబ్ధనిఖిలానవద్య విద్యస్య
తత్రభవతశ్శ్రీకాళిదాసస్య
కృతిషు
శ్రీసకలజననీస్తవః
సంపూర్ణః
\
No comments:
Post a Comment