పద్యము తెలుగుల విద్యగు! హృద్యము చదువరుల కెన్న, నింపగు వినగా ! పద్యము కవితల కాద్యము! సద్యశమును కల్గజేయు చక్కగ కవికిన్!
padyam-hrudyam
kavitvam
Friday, May 27, 2011
చిన్మయ రూపిణీ!
ఇన్మును జూచి కాంచనము నిట్టె త్యజించెడు వెఱ్రి కైవడిన్
పెన్మమకారపుం బొరలు పేర్కొని యుండగ నాలుబిడ్డలన్
సన్మతి గల్గ బోదు మది చక్కగ నిన్ను స్మరింప భార్గవీ!
చిన్మయ రూపిణీ! నిను భజించెడు భాగ్యము నిమ్ము సర్వదా!
Sunday, May 22, 2011
పచ్చదనం
పచ్చదనం పరిశుభ్రత - పాటిద్దాం మనమంతా
పరిమళమూ పవిత్రతా - పంచుదాము భువినంతా ... పచ్చదనం
ఇంటింటికి ఒక మొక్కను - నాటి మనం పోషిద్దాం
ఆంధ్రావని ఎల్లెడలా - హరితవనం చేసేద్దాం ... పచ్చదనం
నువు నాటే ప్రతి మొక్కా - రేపటి చెట్టౌనందాం
నువు నరికే ప్రతి చెట్టూ - శపియించుట నిజమందాం ... పచ్చదనం
అతి వృష్టీ అనా వృష్టి - కిచట తావు లేదందాం
కరవు కాటకాల కికను - చెల్లు చీటి వ్రాసేద్దాం ... పచ్చదనం
వృక్షో రక్షతి రక్షిత - యన్న సూక్తి నిజమందాం
పచ్చదనం పరమాత్ముని - ప్రతిరూపం అనుకొందాం ... పచ్చదనం
ఆంధ్రమాత కాదరాన - హరితాంబర మందిద్దాం
తీయని నూరూ గాలీ - ఆమె కిచ్చి మురిపిద్దాం ... పచ్చదనం
ఆనందం ఆరోగ్యం - అంతటనూ నింపేద్దాం
ఆంధ్ర భూమి భరత ధాత్రి - అమర ధామ మనిపిద్దాం ... పచ్చదనం
Friday, May 20, 2011
చిన్మయ రూపిణీ!
Thursday, May 5, 2011
చిన్మయ రూపిణీ!
Subscribe to:
Posts (Atom)