నీ రూప మిట్టిదని నే
నేరను నీ తత్త్వ మసలు నీల గళ! శివా!
ఏ రూపమ్మున నుందువొ
ఆ రూపా! నీకు నతులు హరహర! శంభో!
చేయ రానట్టి పనులను చేయుచుంటి
చేయ దగినట్టి పనులను చేయనైతి
పాప యుగళము నీ నామ వర్ణ యుగపు
స్మరణ చేతను నశియించు సత్యము శివ!
బ్యాటు ఝళిపింప నరులకు భయము గల్గు
పరుగు దీసిన శతకము బాది వదలు
బంతి విసరిన నావలి యంతు జూచు
సచిను భారత మాతకు సత్సుతుండు.
విరులు మెల్లగా చల్లగా విరిసినట్లు
వెండి వెన్నెల హాయిగా పండినట్లు
సచిను నవ్విన మనసుకు సంతసమగు
నతడు భారతరత్నమే యది నిజమ్ము.
పరుగు దీసిన శతకము బాది వదలు
బంతి విసరిన నావలి యంతు జూచు
సచిను భారత మాతకు సత్సుతుండు.
విరులు మెల్లగా చల్లగా విరిసినట్లు
వెండి వెన్నెల హాయిగా పండినట్లు
సచిను నవ్విన మనసుకు సంతసమగు
నతడు భారతరత్నమే యది నిజమ్ము.
