పద్యము తెలుగుల విద్యగు! హృద్యము చదువరుల కెన్న, నింపగు వినగా ! పద్యము కవితల కాద్యము! సద్యశమును కల్గజేయు చక్కగ కవికిన్!
padyam-hrudyam
kavitvam
Friday, April 29, 2011
చిన్మయ రూపిణీ!
మున్మహిషాసురున్ దునిమి మూడు జగమ్ముల నేలవే కృపన్
సన్ముని దేవ సంఘములు సంస్తుతి సేయ భవాని! చండికా!
జన్మము ధన్యమై, తనువు ఝల్లన, మానస ముల్లసిల్లగా
చిన్మయ రూపిణీ! నిను భజించెడు భాగ్యము నిమ్ము సర్వదా!
Sunday, April 24, 2011
కల్యాణము చూతము రారండీ!
Friday, April 22, 2011
చిన్మయ రూపిణీ!
Sunday, April 17, 2011
చిన్మయ రూపిణీ!
Sunday, April 10, 2011
శేషశాయి
శాంతాకారం! భుజగ శయనం! పద్మనాభం! సురేశం!
విశ్వాధారం! గగన సదృశం! మేఘవర్ణం! శుభాంగం!
లక్ష్మీకాంతం! కమలనయనం! యోగిహృద్ధ్యాన గమ్యం!
వందే! విష్ణుం! భవభయ హరం! సర్వలోకైకనాథం!
Sunday, April 3, 2011
ఖరమునకు స్వాగతం !
వసంతానికి స్వాగతం
నిశలు కృశించ సాగినవి, నింబము పూయ నుపక్రమించె, న-
ల్దిశలు వెలార్చె శోభలను దివ్య మధూదయ వేళకై యహ-
ర్నిశలు తపించు మావికిని, నేస్తము కోయిలకున్ శుభంబగున్
శిశిరమ! పోయి రమ్మికను శీఘ్రమె! పంచు నుగాది వేడుకల్.
వచ్చెను వసంత మదిగో!
తెచ్చెను సంతోష ఝరులు దివ్య ధరిత్రిన్!
విచ్చెను ఆశల పువ్వులు!
చెచ్చెర నెమ్మనములందు జీవులకెల్లన్!
గున్న మామిడి కొమ్మ గుబురు లోపల దాగి
.................................పంచమ స్వరములో పాడె పికము!
రంగు రంగుల పూలు హంగుగా ధరియించి
.................................చిరుగాలి నూగెను చెట్టు చేమ!
మలయ మారుత వీచి నల్దిశల్ పయనించి
.................................సుమ సౌరభమ్ముల సుఖము నింపె!
మధువులానగ తేటి మత్తిల్లి తమకాన
.................................లాస్యమ్ము చిందించె లలిత విరులు!
క్రొత్త ఆశలు కోర్కెలు గుండె నింప
మోసికొని వచ్చితీవు ఓ ముద్దుగుమ్మ!
సకల జనముల బ్రతుకుల చక్క దిద్ద
స్వాగతమ్మిదె నీకు వాసంత లక్ష్మి!
Subscribe to:
Posts (Atom)