పద్యము తెలుగుల విద్యగు! హృద్యము చదువరుల కెన్న, నింపగు వినగా ! పద్యము కవితల కాద్యము! సద్యశమును కల్గజేయు చక్కగ కవికిన్!
padyam-hrudyam
kavitvam
Sunday, September 30, 2012
Saturday, September 29, 2012
సరసాహ్లాదిని
సమస్య :
గురువును దీవింప గల్గు కోటి శుభంబుల్.
పూరణ :
గురువే మాతా పితరులు
గురువే దైవమ్ము ధనము కొల్వుము వత్సా
గురుతర భక్తి శ్రద్ధల
గురువును దీవింప గల్గు కోటి శుభంబుల్.
గురువును దీవింప గల్గు కోటి శుభంబుల్.
పూరణ :
గురువే మాతా పితరులు
గురువే దైవమ్ము ధనము కొల్వుము వత్సా
గురుతర భక్తి శ్రద్ధల
గురువును దీవింప గల్గు కోటి శుభంబుల్.
Thursday, September 27, 2012
Monday, September 24, 2012
సరసాహ్లాదిని
ఒక బాలుడు వాళ్ళ అమ్మను మమ్మీ అనీ నాన్నను డాడీ అనీ పిలవడం విన్న తాత
నాయనా! ఆ దిక్కు మాలిన మమ్మీ డాడీ ఇంగ్లీషు మాటలకు అర్థం ఏమిటిరా అంటే
ఆ బాలుడిలా అన్నాడు.
మమ్మీ డాడీలు, తెలుఁగు మాటలె తాతా!
అదెలారా అన్న తాతతో ఆ కుర్రాడిలా అన్నాడు.
అమ్మీ యని పిలిచెదనే
నమ్మను డా యన్న ఎడమ యౌ డీ యన్నన్
నమ్ముము డీ కొట్టుట విను-
మమ్మీ డాడీలు తెలుఁగు మాటలె తాతా!
ఒక బాలుడు వాళ్ళ అమ్మను మమ్మీ అనీ నాన్నను డాడీ అనీ పిలవడం విన్న తాత
నాయనా! ఆ దిక్కు మాలిన మమ్మీ డాడీ ఇంగ్లీషు మాటలకు అర్థం ఏమిటిరా అంటే
ఆ బాలుడిలా అన్నాడు.
మమ్మీ డాడీలు, తెలుఁగు మాటలె తాతా!
అదెలారా అన్న తాతతో ఆ కుర్రాడిలా అన్నాడు.
అమ్మీ యని పిలిచెదనే
నమ్మను డా యన్న ఎడమ యౌ డీ యన్నన్
నమ్ముము డీ కొట్టుట విను-
మమ్మీ డాడీలు తెలుఁగు మాటలె తాతా!
Sunday, September 23, 2012
చిత్ర వర్ణన
మల్లి పరిమళాల తల్లి
స్వచ్ఛతకు మారు పేరుగ సద్గుణముల
శోభ లీనెడు మనసుకు సూక్తులందు
నిన్ను పోలిక తెత్తురు నిఖిల బుధులు
మల్లె! యనుపమ పరిమళ ఫుల్ల గాత్ర!
మండు వేసవి గాడ్పుల మాడి పగలు
చల్ల గాలిని తిరుగాడు సంధ్య వేళ
నీ గుబాళింపు మదులను నింపు శాంతి
మల్లె! యనుపమ పరిమళ ఫుల్ల గాత్ర!
శివునకును విష్ణువునకును శివ సుతునకు
ముజ్జగమ్ముల నేలెడు మూల శక్తి
త్రిపుర సుందరికిని నీవు తృప్తి నిడవె
మల్లె! యనుపమ పరిమళ ఫుల్ల గాత్ర!
శంభు దివ్య గాత్ర స్వచ్ఛత చెప్పుచో
పలుకుతల్లి శోభ తెలుపు వేళ
నీదు దేహ కాంతి యాదరణీయము
మల్లె! పరిమళాల తల్లి వీవు.
బుట్ట మల్లె యంచు బొండు మల్లె యటంచు
బొడ్డు తీగ సెంటు ముద్ద లంచు
వివిధ జాతులగుచు విందొన రింతువు
మల్లె! పరిమళాల తల్లి వీవు.
చెలికి చెలువునకును సేతువై వలపుల
ముంచి తేల్చి వారి మురియ జేసి
నలిగి పోదు వీవు మలిగి పోదువు నీవు
స్వార్థ మెరుగ వీవు సార్థ జీవి.
* * * * *
Saturday, September 22, 2012
సరసాహ్లాదిని
సమస్య:
దుర్విన యంబునన్ మనసు దోచెడి వారు హితైషులే కదా.
పూరణ:
ఓర్వగ లేక సోదరుల యోర్మిని కూర్మిని మెచ్చలేక తా
నేర్వక ధర్మబుద్ధి కురునేత సుయోధను డొందె నాశమున్
గర్వము ద్రోహమున్ గరపు కర్ణుని మైత్రికి బద్ధుడై కటా
దుర్విన యంబునన్ మనసు దోచెడి వారు హితైషులే కదా.
దుర్విన యంబునన్ మనసు దోచెడి వారు హితైషులే కదా.
పూరణ:
ఓర్వగ లేక సోదరుల యోర్మిని కూర్మిని మెచ్చలేక తా
నేర్వక ధర్మబుద్ధి కురునేత సుయోధను డొందె నాశమున్
గర్వము ద్రోహమున్ గరపు కర్ణుని మైత్రికి బద్ధుడై కటా
దుర్విన యంబునన్ మనసు దోచెడి వారు హితైషులే కదా.
Thursday, September 20, 2012
సరసాహ్లాదిని
సమస్య: విఘ్న పతికి మ్రొక్క విఘ్నము లిడు.
పూరణ: భాద్రపదమునందు భద్రేభవక్త్ర యో
వరద గావు మంచు భక్తి తోడ
విఘ్నపతికి మ్రొక్క విఘ్నము లిడుమలు
దొలగ జేయు భద్ర మలర జేయు.
Wednesday, September 19, 2012
విఘ్నరాజ నీకు వేయి నతులు
చవితి పండుగటంచు సంబర మేపార
బొజ్జ గణపతయ్య బొమ్మ బెట్టి
పాలవెల్లి పత్రి పండ్లను గొని తెచ్చి
పూజ సేయ నేను పూనుకొంటి.
మావి గరిక తులసి మారేడు నేరేడు
జమ్మి దేవదారు జాజి పత్రి
కలువ మల్లె మొల్ల గన్నేరు చామంతి
పూలు తెచ్చి నేడు పూజ చేతు.
కుడుము లుండ్రములును కొబ్బరి యటుకులున్
పాలు జున్ను తేనే పానకాలు
ద్రాక్ష యరటి వెలగ దానిమ్మ పళ్ళను
తిను మటంచు పెడుదు తృప్తి మీర.
చేత వేడి కుడుము చెంగట తమ్ముడు
ఎలుక వాహనమ్ము నేన్గు ముఖము
పెద్ద చెవులు బొజ్జ పెరికిన దంతమ్ము
విఘ్న రాజ నీకు వేయి నతులు.
కమ్మగ యుండ్రములను దిని
యిమ్ముగ తిరుగాడ భువిని యిమ్మని చందా
గమ్మున మూగిన భక్త జ-
నమ్ముల గని జారుకొను వినాయకు గొలుతున్.
Subscribe to:
Posts (Atom)