పద్యము తెలుగుల విద్యగు! హృద్యము చదువరుల కెన్న, నింపగు వినగా ! పద్యము కవితల కాద్యము! సద్యశమును కల్గజేయు చక్కగ కవికిన్!
padyam-hrudyam
kavitvam
Sunday, September 25, 2011
చిన్మయ రూపిణీ !
పోదురు భార్య, బిడ్డలును, పోదురు బంధు సహోదరాళియున్
పోదురు సేవకీ జనము, పోవును సంపద, ప్రాణ మానముల్
పోదుసుమా త్వదీయ పద పూజల గల్గు ఫలమ్మనంతమై!
సాధు జనావనీ! శరణు శంకరి! చిన్మయ రూపిణీ ! ఉమా!
Friday, September 16, 2011
చిన్మయ రూపిణీ !
Friday, September 9, 2011
చిన్మయ రూపిణీ !
Monday, September 5, 2011
గురుర్బ్రహ్మా.......
మనసా వాచా కర్మణా విద్యా బోధనకే జీవితము
నంకితము జేసిన ఉపాధ్యాయులకు నమోవాకములు.
గురువన నాదిజుడౌ ధర
గురువే హరి గురువు శివుడు గురువే సాక్షా-
త్పర తత్త్వమైన బ్రహ్మము
గురువుకు వందనము లిడుదు గురుతర భక్తిన్.
అజ్ఞానపు చీకట్లను
సుజ్ఞానపు ప్రభల జీల్చి శూన్యము చేయున్
విజ్ఞానము బోధించును
ప్రజ్ఞా మూర్తులుగ గురువు ప్రజలను దిద్దున్.
విద్యా బుద్ధుల గఱపుచు
హృద్యంబగు నీతి పథము నింపుగ జూపు-
న్నాద్యుండగు దైవంబై
సద్యశమును కల్గజేయు సద్గురువెపుడున్
Thursday, September 1, 2011
చిన్మయ రూపిణీ !
Subscribe to:
Posts (Atom)