పాపౌఘ విధ్వంస కరీం ప్రసిద్ధాం
శ్రీజాహ్నవీ భూషిత దివ్య రూపాం
నిర్వాణ దాత్రీం నిఖిలైక పూజ్యాం
శివప్రియాం చైవ నమామి కాశీం. 1
దేవాసురైర్వందిత పాదపద్మాం
గాయంతి మునయః సుయశశ్చ దివ్యాం
ప్రసిద్ధ వేదేషు ప్రభావ మస్యాః
శివప్రియాం చైవ నమామి కాశీం. 2
ముమూర్షుణాంచ శివ ప్రదాయినీం
వైకుంఠ శ్రేణీం గుణమందిరాంచ
శివాలయాం శోక వినాశనీంచ
శివప్రియాం చైవ నమామి కాశీం. 3
విశుద్ధ విజ్ఞాన ఘనాం చిదాత్మికాం
మోహాటవీం చైవ దవాగ్నిభూతాం
శుద్ధాం సుశాంతాం శివభక్తి దాయినీం
శివప్రియాం వై ప్రణమామి కాశీం. 4
భూతేషు సంతాప వినాశినీంచ
లోకేశ్వరైర్వందిత దివ్య రూపాం
మహావ్రతాం గర్భ నివాస కృన్తనీం
శివప్రియాం వై ప్రణమామి కాశీం. 5
విజ్ఞాన దాత్రీం ప్రణవ స్వరూపాం
చింతామణిం భక్తి ప్రదాంచ నిత్యాం
గోలోక దాత్రీం భవభక్తి దాత్రీం
శివప్రియాం వై ప్రణమామి కాశీం. 6
బుద్ధేః పరాం శంకర ప్రాణ వల్లభాం
మోహార్ణవం కుంభ సముద్భవాంచ
పాపౌఘ వ్యాఘ్రీం హరలోక దాత్రీం
శివప్రియాం వై ప్రణమామి కాశీం. 7
ప్రాతః ప్రాతః సముద్ధాయ
యఃపఠేత్ ప్రయతః పుమాన్
అన్యదేశేపి భక్త్యాస
కాశీవాస ఫలం లభేత్.
***
ఇతి శ్రీ గోపాల వ్యాసవిరచితం కాశ్యష్టకం సంపూర్ణం
