పద్మాలయమునందు భాసించు పద్మోరు
...పద్మాస్యమునఁ జిందఁ బసిఁడి నగవు
పద్మహస్తములందుఁ బద్మాల ధరియించి
...అభయంపుముద్రతో నలరుచుండి
పద్మదళాయత భవ్యనేత్రమ్ము ల
...పాంగవీక్షణములఁ బఱచుచుండ
పద్మసంభవుఁ డాది ప్రముఖామరవరులు
...పద్మనాభప్రియా ప్రణతు లనఁగ
పద్మినీదేవి జగముల పాలనమ్ము
సేయు నింటింట సంపదల్ సెలఁగ భువిని
కన్న తల్లి యీ కలుముల కల్పవల్లి
రండు వరలక్ష్మి నర్చించఁ బండు బ్రతుకు.
