నేడు వాల్మీకి మహర్షి జయంతి

ఆ యాది కవి చేసె నఖిల జగమ్ముల
.....నీ యాదికవిది రామాయణమ్ము
వేదాల రాశిని వెలికి దీసెను బ్రహ్మ
.....వేదసార మితడు వెలయ జేసె
చతురాస్యు డాయన చతురుడీయన చూడ
.....పువ్వులో నతడాయె పుట్ట నితడు
లోకాలకు విధాత లోకేశుని సుతుండు
.....శ్లోకాలకు విధాత చూడ ఋషియె

నలువ సృష్టిని లోపాలు కలుగ వచ్చు
దొసగులను మాపి పూర్ణత్వ మెసగ జేసి
కవి జగమ్ముల కందము కలుగ జేయు
ఆదిజున కాదికవికి నభేద మెన్న.