మత్తకోకిల
శ్రీనివాస! రమేశ! వేగమె చేదుకో గదె శ్రీకరా!
కానివారమ? పల్కవేలర? కాస్త చూడు దయాకరా!
మానుగా కడగంటి చూపుల మమ్ము జూచిన చాలురా!
శ్రీనిధానమ! వేంకటేశ్వర! చింత లెల్లను దీరురా.
వాడు వీడని లేక కొండకు వచ్చు వారల నెల్లరన్
తోడు నీడయి కాతువంచును దూరభారము లెంచకన్
పాడుకొంచు పవిత్రనామము బాలవృద్ధులు సైతమున్
వేడ నీపదమంటి వత్తురు వేంకటేశ్వర! చూడరా.
No comments:
Post a Comment