..........నామెకు తలవంచి నతులొనర్తు!
ఏ దేవి శాంతియై యెల్ల ప్రాణుల నుండు
..........నా దేవి కేను ప్రణతు లొనర్తు!
ఏ దేవి శ్రద్ధగా నెల్ల జీవుల నుండు
..........నామెకు ప్రణమిల్లు దాదరమున!
ఏ దేవి కాంతియై యెల్ల ప్రాణుల నుండు
..........నా దేవికి నమస్సు లందు నెపుడు!
సకల భూతాంతరంగయై సర్వ కాల
సర్వ దశలందు వెల్గెడు శక్తి కనెద!
దండమో దేవి! దండము దండమమ్మ!
దండమో తల్లి! దయజూడు దండమమ్మ!
నే బాలుండని చిన్నచూపు తగునే నిర్వ్యాజమౌ నీ కృప-
న్నే బంధమ్ములు లేని ముక్తి నిడగా నింపార వర్షింపకన్?
నీ బిడ్డంగద తప్పు లొప్పులనుచున్ నీడెంద మందెంచవే
శ్రీ బాలా! నవరాత్రులన్ గొలచెదన్ చింతింతు నీ నామమున్.
హరితదివ్యవర్ణ! హరితాంబరప్రియా!
హరితలేపనాబ్జచరణయుగళ!
హరితకుసుమప్రీత! హరిహరార్చితపదా!
పరిహరింపు బాల! పాపములను.
No comments:
Post a Comment