మల్లియ, చందమామ, తెలి మంచు తుషారపు హార దీధితుల్
తెల్లనఁ బోవు నీ తనువు తెల్లని కాంతికి వాణి! దివ్యమౌ
తెల్లని యంబరమ్మునను, తెల్లని పద్మము నందు నిన్గనన్
యుల్లము పొంగదే జనుల కుర్విని యీ నవరాత్రి వేళలో!
ఏ పాదాబ్జములన్ విరించి కొలుచు న్నీ విశ్వముం జేయగా?
నే పాదాబ్జపు నీడలో హరి జగమ్మేలంగ సంశక్తుడౌ?
నే పాదాబ్జ మహద్రజో గరిమచే నీశుండు సంహర్తయౌ?
నీ పాదాబ్జము లెన్నగా నవియె వాణీ! సంశయ మ్మేలకో!
తల్లీ! నిన్ను దలంచిన
యుల్లము లుప్పొంగు వాక్కు లుబుకును ఝరులై!
ఫుల్లాబ్జాక్షి! సరస్వతి!
చల్లని నీ చూపు సోక సౌభాగ్య మగున్.
No comments:
Post a Comment