శైలపుత్రి
ఘన ధాతు సంచయమునకు
ననువౌ హిమశైలమునకు నా మేరువు నం
దిని మేన పత్ని వారికి
తనయలు గంగయును నుమయు తనరుదు రిలలో.
ఉమ శివుని పతిగ గొన నను
పమ గతి కటు నియమమున తపమున గడుప కా
లము పరచె జనకు డతివకు
ప్రమథపతికి పరిణయమును ప్రమదము గదురన్.
నవదుర్గలలో మొదటిది
భవహారిణి శైలపుత్రి భవసతి భక్తిన్
నవరాత్రులలో కొలిచిన
శివముల నిడి బ్రోచు తల్లి చిరకాలమ్మున్.
No comments:
Post a Comment