స్కందమాత
అందమగు నారు మొగముల
స్కందుం డాడగను తల్లి చల్లని యొడిలో
విందొనరించునుభక్తుల
కందరకును స్కందమాత కమనీయముగా.
సింహవాహి చతుర్భుజ శృంగ వాసి
వామ హస్తాల పద్మము వరద ముద్ర
స్కందు చేబట్టు దక్షిణ కరముతోడ
భక్త జన సంకటమ్ముల బాపు తల్లి.
ఐదవ దినమున మదిలో
మోదముతో స్కంద మాత మూర్తిని గొలువన్
బాధల బాపును కరమిడి
చేదుకొనున్ దేవి మనను చెంతకు దయతో.
No comments:
Post a Comment