చేత వేడి కుడుము,చెన్నొందు పూమాల,
ఎలుక వాహనమ్ము, యేన్గు మొగము,
పెద్ద చెవులు, బొజ్జ, పెరికిన దంతమ్ము
విఘ్నరాజ! నీకు వేయి నతులు.
కమ్మని యుండ్రములను తిని
యిమ్ముగ తిరుగాడ భూమి, నిమ్మని చందా
గమ్మున మూగిన భక్త జ-
నమ్ముల గని జారుకొను వినాయకు దలతున్!
" ఎంత కాల మిటుల నీ వెట్టి చాకిరీ ?
మోయలేను నిన్ను పోదు స్వామి! "
అన్న ఎలుక ముందు నిన్ని యుండ్రము లుంచి
బుజ్జగించు దేవు బుద్ధి గొలుతు!
3 comments:
మిస్సన్న గారూ ! నేటి 'చందా' మామలకు భయపడిన వినాయకుని బాగా చూపించారండీ !
చిత్ర మేమిటంటే ఈ రోజు చంద మామను చూస్తే అపనిందలు, 'చందా' మామను (సరిగా డబ్బిచ్చి) చూడక పోతే నిందలు. హత విధీ !
హుమచ్చాస్త్రి గారూ బాగా చెప్పేరు. ధన్యవాదాలు.
ఆనంద స్వరూపుడు, హాస్య ప్రియుడు అయిన గణపతికి హాస్యనీరాజనం...సందర్భోచితం అయిన పద్యాలు
నిజంగా హృద్యాలు...
Post a Comment