మాతర్నమామి కమలే! కమలాయతాక్షి! శ్రీ విష్ణు హృత్కమలవాసిని! విశ్వ మాతః!
క్షీరోదజే కమల కోమల గర్భ గౌరి! లక్ష్మి ప్రసీద సతతం నమతాం శరణ్యే!
త్వం శ్రీరుపేంద్రసదనే మదనైక మాతః! జ్యోత్స్నాసి చంద్రమసి చంద్ర మనోహరాస్యే!
సూర్యే ప్రభాసి చ జగత్త్రితయే ప్రభాసి! లక్ష్మి ప్రసీద సతతం నమతాం శరణ్యే!
త్వం జాతవేదసి సదా దహనాత్మ శక్తిః ! వేధా స్త్వయా జగదిదం వివిధం విదధ్యాత్ !
విశ్వంభరోపి బిభృయా దఖిలం భవత్యా! లక్ష్మి ప్రసీద సతతం నమతాం శరణ్యే!
త్వం త్యక్త మేత దమలే హరతే హరోపి ! త్వం పాసి హంసి విదధాసి పరావరాసి!
ఈడ్యో బభూవ హరిరప్యమలే త్వదాప్త్యా! లక్ష్మి ప్రసీద సతతం నమతాం శరణ్యే!
శూరః స ఏవ సగుణీ స బుధః స ధన్యో ! మాన్యః స ఏవ కులశీల కలాకలాపై!
ఏకః శుచిః స హి పుమాన్ సకలేపి లోకే! లక్ష్మి ప్రసీద సతతం నమతాం శరణ్యే!
యస్మిన్వసేః క్షణ మహో పురుషే గజేశ్వే స్త్రైణే తృణే సరసి దేవకులే గృహేన్నే!
రత్నే పతత్రిణి పశౌ శయనే ధరాయాం సశ్రీక మేవ సకలే తదిహాస్తి నాన్యత్!
త్వత్ స్పృష్టమేవ సకలాం శుచితాం లభేత త్వత్ త్యక్తమేవ సకలం త్వశుచీహ లక్ష్మి !
త్వన్నామ యత్రచ సుమంగళ మేవ తత్ర శ్రీ విష్ణుపత్ని కమలే కమలాలయేపి!
లక్ష్మీం శ్రియంచ కమలాం కమలాలయాంచ పద్మాం రమాం నళినయుగ్మ కరాంచ మాంచ!
క్షీరోదజా మమృత కుంభ కరా మిరాంచ విష్ణుప్రియా మితి సదా జపతాం క్వ దుఃఖం ?
(' ఋషిపీఠం 'వారి సౌజన్యంతో)
No comments:
Post a Comment