గుణాతీతం పరం బ్రహ్మవ్యాపకం భూధరేశ్వరమ్
గోకులానంద దాతారం వందే గోవర్ధనం గిరిమ్.
గోలోకాధిపతిం కృష్ణ విగ్రహం పరమేశ్వరమ్
చతుష్పదార్థదం నిత్యం వందే గోవర్ధనం గిరిమ్.
నానాజన్మకృతం పాపం దహేత్తూలం హుతాశనః
కృష్ణభక్తి ప్రదం శశ్వద్వందే గోవర్ధనం గిరిమ్.
సదానందం సదావంద్యం సదా సర్వార్థ సాధనమ్
సాక్షిణo సకలాధారం వందే గోవర్ధనం గిరిమ్.
సురూపం స్వస్తికాసీనం సునాసాగ్రం కృతేక్షణమ్
ధ్యాయంతం కృష్ణ కృష్ణేతి వందే గోవర్ధనం గిరిమ్.
విశ్వరూపం ప్రజాధీశం వల్లవీ వల్లవప్రియమ్
విహ్వలప్రియ మాత్మానం వందే గోవర్ధనం గిరిమ్.
ఆనందకృత్సురాధీశకృత సంభార భోజనమ్
మహేంద్ర మదహన్తారం వందే గోవర్ధనం గిరిమ్.
కృష్ణలీలా రసావిష్టం కృష్ణాత్మానం కృపాకరమ్
కృష్ణానందప్రదం సాక్షాద్వందే గోవర్ధనం గిరిమ్.
గోవర్ధనాష్టక మిదం యఃపఠే ద్భక్తి సంయుతః
తన్నేత్ర గోచరో యాతి కృష్ణో గోవర్ధనేశ్వరః .
ఇదం శ్రీమద్ఘనశ్యామ నందనస్య మహాత్మనః
జ్ఞానినో జ్ఞానిరామస్య కృతి ర్విజయతేతరామ్.
No comments:
Post a Comment