padyam-hrudyam

kavitvam

Tuesday, March 28, 2017



మిత్రులకు, పెద్దలకు నూతన సంవత్సర శుభాకాంక్షలు.

*************

హేవిళంబి వైన హేమలంబివి నైన
భూమి జనుల కెల్ల ప్రేమ తోడ
క్షామ మీయబోకు మామంచి దానవు
క్షేమ మీయ రమ్ము చేతు నతులు.

దుర్ముఖ సమ్ముఖమ్మునను దుఃఖము సేమము చెట్టపట్టలై
మర్మ మదేమొ కాని కడు మాన్యత నొందెను, హేవిళంబిలో
ఘర్మము నోడ్చుచున్ మనకు కమ్మని తిండిని బెట్టు రైతుకున్
కర్మము కాలనీకు మని కాలమురూపగు నీశు వేడెదన్.


నూతన వత్సరం బది వినూతన శోభల వచ్చుచుండె నా
రాతలు మార్చునంచు పటు భ్రాంతిని పొందుట పాడిగాని, దా
ధాత లిఖించు వ్రాత లవి తప్పని వెన్నడు జీవితమ్మునన్
ప్రీతిని శోకసౌఖ్యముల భీతిని జెందక యొప్పు టొప్పగున్.

No comments: