వెన్న కాజేసెదో కన్నెల జూసెదో
....మరుగేలరా నీకు మదనతాత!
పూతన వచ్చెనో మాత రావచ్చునో
....నక్కితి వేలరా నళిన నయన!
బండి కన్పట్టెనో పాము పైకొట్టెనో
....దాగితి వేలరా దనుజవైరి!
ద్రౌపది పిలిచెనో రాధమ్మ వలచెనో
....చాటుమాటేలరా చతురవచన!
మధుర కేగెడి వేళాయె మాధవ యని
వచ్చెనా యేమి యక్రూరు డిచ్చటకును!
చాలు దొంగాట లికచాలు నీలవర్ణ!
నీవె దొర వేలరా మమ్ము నెమ్మది గని !
No comments:
Post a Comment