ఆగు, విడువకు బాణము, నాగు పార్థ!
రథము క్రుంగెను, చక్రమ్ము లాగి పైకి
మరల యుద్ధమ్ము జేసెద నరయు మయ్య!
ఆయుధము లేని నను జంప న్యాయమగునె?
విజయ! బాణము సంధించు, విడువబోకు
నీతి మాలిన వానిపై నీకు జాలి
తగదు, బాలు నిరాయుధు తెగడి నపుడు
ధర్మ పన్నము లేమాయె, తప్పు లేదు .
కర్ణు డీల్గెను భీభత్సు కరకుటమ్ము
గుండె చీల్చగ! పడమటి గూటికేగె
నర్కు డాతని గనలేక! నాశ్రయమ్ము
చెడ్డదగుటను, కర్ణుడు చెడెను తుదకు.
No comments:
Post a Comment