విఘ్నరాజ నీకు వేయి నతులు

 

   

చవితి పండుగటంచు సంబర మేపార 
బొజ్జ గణపతయ్య బొమ్మ బెట్టి
పాలవెల్లి పత్రి పండ్లను గొని తెచ్చి  
పూజ సేయ నేను పూనుకొంటి.

మావి గరిక తులసి మారేడు నేరేడు 
జమ్మి దేవదారు జాజి పత్రి 
కలువ మల్లె మొల్ల గన్నేరు చామంతి 
పూలు తెచ్చి నేడు పూజ చేతు.

కుడుము లుండ్రములును  కొబ్బరి  యటుకులున్
పాలు జున్ను తేనే పానకాలు 
ద్రాక్ష యరటి వెలగ  దానిమ్మ పళ్ళను 
తిను మటంచు పెడుదు తృప్తి మీర.

చేత వేడి కుడుము చెంగట తమ్ముడు 
ఎలుక వాహనమ్ము నేన్గు ముఖము  
పెద్ద చెవులు బొజ్జ పెరికిన దంతమ్ము
విఘ్న రాజ నీకు వేయి నతులు.

కమ్మగ యుండ్రములను దిని   
యిమ్ముగ తిరుగాడ భువిని యిమ్మని చందా 
గమ్మున మూగిన భక్త జ-
నమ్ముల గని జారుకొను వినాయకు గొలుతున్.