సీ.
భాస్కరు డుదయించె ప్రాగ్దిశనే నాడు
...నేటికిఁ దప్ప డా నియతి నతఁడు
ప్రమదలే బిడ్డల ప్రసవించి రా నాడు
...నేటికి నా రీతి నెగడు చుండె
భూమి పైననె నాడు పుట్టిరి మానవుల్
...నేటికి నేలయే చోటు మనకు
తెలుగుననే నాడు పలికిరి మన వాళ్ళు
...నేటికి మన కదే నోట మాట
తే.గీ.
ఆధునికులమై యే మార్పు లాయె మనకు
మాతృ భాషలో కొరగాని మార్పు లేల?
నాడు పెద్దలు నేర్పిన నాణ్యమైన
కైత లల్లెడి విద్య న్వికార మేల?
No comments:
Post a Comment