సీ.
చిన్నవాడ వటంచు నిన్ను లాలన చేయ
...మన్ను తిందువ టోయి చిన్ని కృష్ణ!
వెన్నపా లుండగా మన్నుతో పని యేమి
...న న్ననుమానింప కన్న తల్లి!
మన్ను తిన్నదె కాక మిన్నవౌ మాటలా
...నోరు చూపించరా చోర బాల!
నోటిలో నేముండు పాటియే శంకింప
...ఆఁ యిదిగో చూడ వమ్మ నోరు
తే.గీ.
చిన్నినోట యశోదకు మన్నె కాదు
ముజ్జగమ్ములు కనుపింప మూర్ఛ వచ్చె
దేవదేవుని తల్లికి దేవునకును
స్వస్తి యగుగాక లోకాలు స్వస్థ మగుత.
No comments:
Post a Comment