సీ.
మొక్కకు వేళ్ళిచ్చి భూమి లోపలి తిండి
...గ్రహియించు శక్తినిఁ గలిపె నెవఁడు
సిరలను ధమనుల సృజియించి దేహాన
...నిలఁబెట్టు శక్తిని నిలిపె నెవఁడు
కొమ్మల రెమ్మలఁ గూరిచి చెట్లకు
...నాదిత్య శక్తి నందించు నెవఁడు
సాగరమ్మునుఁ జేరు శైవాలినుల కిచ్చె
...పాయల సంగమ భాగ్య మెవఁడు
ఉ.
జగతి సృష్టించి జంగమ స్థావరముల
బ్రతుకఁ జాలిన మంచి యుపాధు లిచ్చి
సృష్టి నెల్లను తన జాడ చెలగు రీతి
మాయఁ జేసెడు దేవుని మదినిఁ దలతు.
No comments:
Post a Comment