శివ రౌద్రం

ముక్కంటి! శాంతమౌ మోమున క్రోధాగ్ని
....బాముల భయపెట్టి పార బెట్టె
వ్యోమకేశ! కపర్ద మువ్వెత్తునను లేచె
....గంగమ్మ జారిన గండ మిలకు
నిటలాక్ష! యదటుకు నెలవంక ఖిన్నయై
....కళవళ పడసాగె కళలు దప్పి
పశుపతీ! కంపించి ప్రాలేయ శిఖరమ్ము
....బిత్తరింపుకు గుండ పిండి యాయె

సైగ జేసి రమ్మందు వే స్వజుని నీవు?
భద్రునా యేమి యేల నో రౌద్రమూర్తి!
పుట్టి నింటికి నేగిన పొలతి సతికి
భద్రమే కద చెప్పవే భద్రమూర్తి!