దండము దగ్గర న్నిలచి దవ్వున నుండెడు నీకు శంకరా!
దండము కోడెకాడ వును తద్దయు వృద్ధుడవౌ కృపాకరా!
దండము భాగ్యవంతుడవు ధ్వాంక్షుడవై చరియించు నీశ్వరా!
దండము హర్తవున్ జనుల త్రాతవునై విలసిల్లు నో హరా!
బహురాజసమ్మున భవుడవై లీలగా
.........విశ్వమున్ సృజియించు విశ్వరూప!
కడుసాత్వికమ్మున మృడుడవై కరుణించి
.........జనసుఖ మొనరించు శైలనిలయ!
అమితమౌ తమసాన హరుడవై చెలరేగి
.........సంహారముంజేయు శ్యామకంఠ!
గొప్పతేజస్సుతో గుణరహితంబగు
.........పదమున వెలుగొందు పరమపురుష
!
అసితగిరి సమానంబగు మసిని జలధి
కడవ నిడి సురతరుశాఖ కలమును గొని
వాణి భూపత్రమున సదా వ్రాయనైన
నీదు గుణపారమును గనలేదు శర్వ!
No comments:
Post a Comment