అమ్మ ప్రేమకు ఎల్ల లున్నవే?

తల్లి ప్రేమకు ఎల్ల లున్నవే?
=======================

తల్లి మొగమ్మునం గనుడు తన్మయతన్! తనబిడ్డ వీపుపై
మెల్లగ వ్రాలి, లేతవగు మీగడ తప్పల బోలు చేతులన్
చల్లగ చుట్టగా మెడను, సన్నని పాదములన్ గ్రహించి తా
నల్లన త్రిప్పుచున్న దిట నామె ముదమ్మున కేమి సాటియౌ?

చెట్టుకు కాయ భారమని కాయక మానునె కొమ్మ పిందెలన్?
గట్టిగ బట్టి యుంచు పెనుగాలులకున్ వెర పొందకన్ సదా
పట్టును బట్టి ప్రాణములు పట్టును తప్పెడు దాక, నట్టులే
కట్టుగ తల్లి బిడ్డలను కాచును కష్టములన్ సహించుచున్
తట్టెడు దాక తల్పులను తానుగ మృత్యువు, ప్రేమమూర్తియౌ
నిట్టిది మాత యంచు పరు డెంచి మదిం గదె మాటిమాటికిన్
పుట్టును తల్లి గర్భమున పొందగ మాల్మిని నమ్మ పొత్తిలిన్.