శ్రావణమందు సంధ్యలవి సన్నిధి లక్ష్మికి! యామె సత్కృపా
భావము జల్లులై కురిసి భద్రమగున్ మన ధాత్రి! కంగనల్
శ్రావణ గౌరి నోములను శ్రద్ధగ జేతురు! మ్రోయు మంగళా-
రావము లింపు మీర మధురమ్ముగ కన్యల మానసమ్ములన్!
భావిని మా కుటుంబమును భద్రముగా కనిపెట్టి కావవే
శ్రావణ లక్ష్మి నీ కరుణ ఛత్రపు చాయను! నిన్నుతించుచున్
భావము నందు భక్తి మెయి పట్టెద నోముల గౌరి, భారతీ,
శ్రీ వరలక్ష్మి నీవనుచు సేవ లొనర్చెద రంగనామణుల్.
ఈ విధమైన యొంటరిగ నెన్ని దినమ్ముల నీడ్తు? కన్నియన్!
భావికి వేయవే కృపను బంగరు బాటను జేర్చి వేగమే,
నా విభు, నా మనోహరుని, నాదగు తోడగు వాని పాలికిన్
శ్రీ వరలక్ష్మి నన్ననుచు చేతురు మ్రొక్కులు కన్యకామణుల్!
No comments:
Post a Comment