శ్రావణ మేఘ మాలికలు సాగుచునుండెను నింగి నింపుగా!
బావురుమంచు గ్రీష్మ మదె పారెడి జూడుడు, జేయ ఫెళ్ఫెళా
రావము, నల్లమబ్బురిమి! రంజిలె కర్షక మానసమ్ములున్!
దీవెనలిమ్ము మాభువికి తీయని చిన్కుల జల్లి వర్షమా!
చిటపట రాలు చిన్కులయి! చిత్రముగా జడివాన వెల్లువై!
కటకటలాడి యంబువులకై తపియించెడు ప్రాణికోటి కా
యటమట దీర, హర్షముగ నయ్యదె వర్షము వచ్చె, నెల్లెడన్
చిటచిట దీర! పచ్చనగు చీరను గట్టె వనాంతరమ్ములున్!
1 comment:
Post a Comment