మనసా వాచా కర్మణా విద్యా బోధనకే జీవితము
నంకితము జేసిన ఉపాధ్యాయులకు నమోవాకములు.
గురువన నాదిజుడౌ ధర
గురువే హరి గురువు శివుడు గురువే సాక్షా-
త్పర తత్త్వమైన బ్రహ్మము
గురువుకు వందనము లిడుదు గురుతర భక్తిన్.
అజ్ఞానపు చీకట్లను
సుజ్ఞానపు ప్రభల జీల్చి శూన్యము చేయున్
విజ్ఞానము బోధించును
ప్రజ్ఞా మూర్తులుగ గురువు ప్రజలను దిద్దున్.
విద్యా బుద్ధుల గఱపుచు
హృద్యంబగు నీతి పథము నింపుగ జూపు-
న్నాద్యుండగు దైవంబై
సద్యశమును కల్గజేయు సద్గురువెపుడున్
No comments:
Post a Comment