కృష్ణ పాదాలు

సీ.
నందుని నట్టింట నాట్యాల పాదాలు
.....తల్లికి దొరకని బుల్లి కాళ్ళు
రక్కసి గుండెల ద్రొక్కిన పాదాలు
.....బండిని తన్నిన బండ కాళ్ళు
పాల్వెన్నలను దోచి పఱచిన పాదాలు
.....నాలమందల వెంట నాడు కాళ్ళు
కంసుని బడ ద్రొక్కి కడపిన పాదాలు
.....కుబ్జకు వరమైన గొప్ప కాళ్ళు

తే.గీ.

బ్రహ్మ కడిగిన పాదాలు పైడి కాళ్ళు
గంగ పుట్టిన పాదాలు గడుసు కాళ్ళు
పాండవుల రక్షపాదాలు బలుపు కాళ్ళు
బాలకృష్ణుని పాదాలు బ్రతుకు బళ్ళు.