padyam-hrudyam

kavitvam

Thursday, October 29, 2015

కారు, లారీ.......భారత రామాయణాలు

కారు - లారి/లారీ - జీపు - వ్యాను
పై పదాలను ఉపయోగిస్తూ భారతార్థంలో/`రామాయణార్థం'లో
పద్యాన్ని వ్రాయాలి.  

నేను వ్రాసిన పద్యాలు:

భారతార్థంలో
---------------
కారు పాండవులన్యులు కౌరవేశ
లాతి భక్తి నీయెడను గలారిది విను
రాజ్య మిడి చూపు నవ్యానురాగ మందు
చేత వారితో రాజీ పునీత మగును.  

రామాయణార్థంలో
----------------------
కారుమబ్బులరంగు కమనీయగాత్రమ్ము
..........నీరామమూర్తిది నిజము తల్లి!
లేరమ్మ గెల్వగలారీ పృథివిలోన
..........నీనాథు నాజిలో నిజము తల్లి!
ధర్మాచరణమున తలపడు రాజీ పు
..........నీతుడు నీభర్త నిజము తల్లి!
నవ్యానుభూతులౌ నగజధవునకైన
..........నీపతిస్మరణాన నిజము తల్లి!

రాముడెన్న సాక్షాత్తు నారాయణుండు
రావణుని జంపు తథ్యమ్ము రణమునందు
శశిని జేరెడు రోహిణి చందమీవు
చేరెదవు నీవిభు ననె సమీరసుతుడు.

శ్రీ కంది శంకరయ్య మాష్టారి శంకరాభరణం సౌజన్యంతో....

No comments: