ప్రణయ విభు పాలికి జేర్చవే............

చిక్కని పట్టు పావడయు చెన్నగు రైకయు నోణి కంఠమం 
దొక్క సరమ్ము కర్ణముల నూగెడు లోలకులున్ కరమ్ములన్ 
చెక్కుడు గాజు లల్కలను చిన్ని సుమమ్ముల మాల చూడగా 
నిక్కముగా తెలుంగవికి నిండు దనమ్మిడు కన్య యీమెయే.

గణపతి ప్రాంగణ మందున 
నణకువగా కూరుచుండి యల్లుచు నతి తో-
షణమున పూమాలను ప్రా-
ర్థన జేసెడి నట్లు తోచు తన మదిలోనన్.

గణపతి! భక్తి తో నిడుదు కంఠము నందున పూలమాల నీ
ప్రణవపు తుండమున్ కదిపి భాసుర లీలను నా శిరస్సు పై
నణచుచు నాదు దోసముల నాశిషముల్ దయసేసి వేగ నా
ప్రణయ విభున్ పరేతరుని పాలికి జేర్చవె ధన్యనై మనన్.

(తెలుంగు+అవి = తెలుగుల లోగిలి)