గుడిగంట, బడిగంట గుండెలో నిండుగా
...........కొలువున్న పరమాత్మ పిలుపు లగును!
గుడిగంట, బడిగంట గుండెలో నెలకొన్న
...........యజ్ఞాన తిమిరాల కర్కు లగును!
గుడిగంట, బడిగంట కోట్లాది హృదయాల
...........చైతన్య పరచెడు శబ్ద మగును!
గుడిగంట, బడిగంట కొడిగట్టు సంస్కృతీ
...........సంప్రదాయపు దివ్వె చమురు లగును!
ఒకటి యాముష్మికమ్మున కూత మగును,
రెండవది యైహికపు వెల్గు రేక లగును,
రెండు గంటల శబ్దాలు లేని నాడు,
నరుడు చుక్కాని లేనట్టి నావ యగును.
No comments:
Post a Comment