బాల భరతునికి బాలేందు బింబమ్ము
.......చూపు శకుంతల సోయగమ్ము!
బాలరాముని జేత బట్టి వెన్నెల లోన
.......ముద్దాడు కైకమ్మ మురిపెములును!
వెన్నదొంగను చంకబెట్టి వెన్నెలరేని
.......సొగసుల జూపు యశోద మనసు!
'చందమామా రావె జాబిల్లి రావోయి'
.......తెలుగమ్మ పాటలో తీయదనము!
బిడ్డ నవ్వు జూచి భీతితో దాగును
మేఘమాల వెనుక మింటను శశి!
తల్లి వదన రుచుల ధాటికి సిగ్గుతో
చితికి పోవు నతడు చిటికెలోన!
రాశి బోసిన భావాల రమ్య మైన
చిత్రమందున నిల్పిన చిత్రకారు
డెవరు రవివర్మ యౌనొకో! యెవ్వరైన
నేమి? నుతియింతు మనసార నిట్టి ఘనుని.
No comments:
Post a Comment