గురు పూర్ణిమ

అజ్ఞాన ధ్వాంతములను
ప్రజ్ఞా దీధితులతోడ బారద్రోలున్
సుజ్ఞానము దయజేయును
విజ్ఞానాదిత్యుడగుచు వెల్గెడు గురుడే.

శంకరుని రూపమున దొల్త సంభవించి
మధ్యలో శంకరాచార్య మహిమ గలసి
అస్మా దాచార్య పర్యంత మవని నైన
గురు పరంపరకనయము కరము మోడ్తు.

మొదట నారాయణుని రూపమునను నిలచి
వ్యాస వాల్మీకులయి మధ్య వాసికెక్కి
అస్మ దాచార్య పర్యంత మవని వెలుగు
గురు పరంపర స్మరియింతు కరము మోడ్చి.