మత్తేభములు
శివనామమ్ము స్మరింపవేమి మనసా! చేఁదాయెనే మూఢ! ఆ
శివపాదమ్ము సమీపమం దిడవె నీ శీర్షమ్ము భక్తాళువై
భవపాథోధిఁ దరించు టన్నను మహా బాధాకరంబే కదా
భవుఁ డన్నన్ గరుణాళు వండ్రు వినవే భావింపవే సర్వదా.
కరుణాళుండు గదా మహేశ్వరుఁడు సత్కల్యాణ సంధాయి శ్రీ
చరణాబ్జంపుఁ బరాగమన్నఁ బడదా సద్భక్తులం జూడవా
హర యన్నన్ గరు వెల్లఁ దీరును గదా ఆ మాత్రముం జేయవా
కరిసర్పమ్ములఁ బుర్వు నేలి దయతోఁ గైవల్య మిచ్చెం గదా!
మదనారిం గన మానసంబు జనదా మాయం దగుల్కొంటివా
ముద మౌనా సుత బంధు మిత్ర ధనముల్ మూయించునా కన్నులన్
మదిలోఁ గ్రమ్మిన ప్రేమపుం బొరలు నీ మోక్షప్రదాతన్ భవున్
ముదమారన్ గన నీయవా తెలివితో మూఢత్వమున్ వీడవా?
(శ్రీ దేవులపల్లి కృష్ణశాస్త్రి గారి గీతం స్ఫూర్తితో...)
No comments:
Post a Comment