అలిగిన గౌరి - బుజ్జగించే భవుడు

అలిగిన గౌరీ దేవిని బుజ్జగిస్తున్న అభవుడు:

ఉ. మానిని! యేలనీ బిగువు మానవె యల్కలు మాననీయ! ద్వా
రానికి నడ్డు వచ్చె నొక రాక్షసు డంచని యెంచి త్రుంచితిన్
వానిని, నీదు బిడ్డ డను వైనము నేరక, తత్క్షణంబె సూ
ప్రాణము నిత్తు 'భద్ర'మగు బట్టికి జింతను వీడి నవ్వవో.

కాదందువా....

ఉ. గంగను దాల్చినా ననుచు కాంత యలింగితి వేమి? చాలు, లే
మంగళగౌరి! కేశములు మాత్రమె దక్కిన వామె, కేల నీ
బెంగ? మదర్థ దేహమును బ్రేమను జిత్తము నెన్న నన్నె నీ
కొంగునె గట్టుకొన్న కడు కొంటె పడంతుక వీవు కాదొకో.