శ్రీ రఘువీర!...........

దివ్యమౌ పెండ్లిని తిలకించ తారకల్ 
.........దిగివచ్చి ముత్యాల తీరు నొప్పె!
పద్మాక్షి జానకి పద్మ హస్తాలలో 
.........పద్మ రాగాలనే బ్రాంతి దోచె!
శ్రీ రామ చంద్రుని శిరసుపై రాలుచో 
.........తెల్ల మల్లెల వోలె జల్లులాయె!
నీల దేహమ్ముపై జాలువారెడు వేళ
..........యింద్ర నీలమ్ములై యింపు గొలిపె!

జానకీ రామచంద్రుల శుభ వివాహ
వేళ నొండొరుల్ తలలపై వేడ్క మీర
పోసుకొను తలబ్రాలిట్లు భాసమాన
మగుచు కల్యాణ కరములై జగతి గాచె!

శ్రీ రఘు వీర! మౌనిజన చిత్త విహార! ధరాత్మజా మనో
చోర! మహర్షి వాగ్జనిత శుభ్ర పయోధి సుధాకరా! చిదా-
కార! వినీల సుందర! అకార ఉకార మకార రూప! సు-
స్మేర! అహల్య శాప హర! సేవిత వాయుకుమార! శ్రీకరా!