కావ్య కన్య

చదివెడు వారికి చక్కిలిగిలి వెట్టి
...........సరసమ్ము చవిజూపు సన్నుతాంగి!
నవరసమ్ములు నిండి నాల్కపై చవులూరి
...........దండి రుచుల జూపు పిండి వంట!
హృదయ నేత్రమ్మున కింపగు శిల్పంపు
...........రమణీయతను జూపు రమ్య సృష్టి!
ఆదరించెడు వారి యక్కున నొదుగుచు
...........మారాము జేసెడు మంచి బాల!

భావ జాలంపు కడవలో పాల పొంగు!
మనసు తోటలో విరబూయు మల్లె పూవు!
అంద చందాల కెనలేని హంస గమన!
కవికి గారాల పుత్రిక కావ్య కన్య!