శ్రావణ పూర్ణిమ

సీ.
నూతన యజ్ఞోప వీతులై విప్రులు
...గాయత్రి నర్చించఁ గడగు వేళ 
నూతన వటువులు ప్రీతితో గురువుచే
...తైత్తరీయోపముఁ దరిగొను తరి
ఋగ్వేద ప్రభృతుల్ హితవు ద్విజుల కని
...శ్రావణోపా కర్మ జరుపు దినము
రాఖి పండుగ యని రంగుగ నేకోద
...రులు దాల్చి రాఖీల నెలయు వేళ 


తే.గీ.
జ్ఞానసిద్ధికి హయశీర్షు ధ్యానమునను
గడపు సమయము, విఖనసు గాఢ భక్తి
నర్చనలు సేసి మ్రొక్కంగ నదను చూడ
భవ్య శ్రావణ పౌర్ణమి పర్వ దినము.