రాధాష్టమి

ఈరోజు రాధాష్టమి యని....

సీ.
హరి పరతత్త్వమౌ హ్లాదినీ శక్తియే
...అవతారమును దాల్చి యవనిఁ జేరె
గోలోక సామ్రాజ్ఞి గోకులమ్మును జేరి
...గోపాల బాలునిఁ గూడి యాడె
నీలమేఘశ్యాము నీడయై వెన్నంటి
...ప్రణయ సామ్రాజ్యంపు రాణి యాయె
గూఢ నాయిక యౌచుఁ గూర్మి భాగవతంపు
...కథ నడిపించిన కాంత యాయె

తే.గీ.
రాసలీలకు కేంద్రమౌ ప్రాణశక్తి
మధుర బృందావనీ సీమ మహిత దీప్తి
గొల్ల కన్నియ కాదు వైకుంఠ లక్ష్మి 
రాధ మనతల్లి రాగాల రమ్యవల్లి.