సరస్వతీ స్తుతి
కమలహంస వృత్తము
న భ స న జ ర.. యతి 11
అనుపమంబగు రహి తోడ నవని భారమైన శుం
భుని నిశుంభునిని వధింపఁ బొలిచి జ్ఞానరూపివై
చెనటులం బలుకులఁ బ్రజ్ఞ సెలఁగ మాయఁ జేసి నా
శనము జేసితివి కృపారసమయి శ్రీ సరస్వతీ!
****
కాళరాత్రి స్తుతి
కమలహంస వృత్తము
న భ స న జ ర.. యతి 11
వినఁడటంచు వినిచినట్టి విమలమైననోముచే
ఖరతురంగ కఠిన చిత్త గణములైన దైత్యులన్
హరి విహారమునకు బంప నలరు కాళరాత్రివే
శరణు వేడు సుజనవర్య చయపుఁ గల్పవల్లివై
శరద రాత్రి వగుదు వీవు సకల లోక రక్షకీ!
No comments:
Post a Comment